أدوات الرسم بالألوان المائية

كثير تسألوني اش افضل الخامات والادوات اللي استخدمها 🌸 وفهذا البوست مكون من جزئين حتكلم فيه بشكل خاص عن الادوات وبعدين حنزل بوست عن تفاصيل زي الورق والالوان وكدا.
كل الادوات من واقع تجربتي وتقدر تشاركني شركات انت جربتها كمان 🌱
مو لازم تكون عندك كل الادوات ولكن بشكل مختصر هذه هي الادوات بالترتيب :
.
.
١- الاوراق : اهم شيء فالالوان المائية لانها هي اللي تعطي التأثير الناعم والمنسجم بالمائي فكل ماكانت جودة الورق افضل كل ماطلع دمج الالوان اريح للعين واكثر انسيابيه ويتحمل الماء.
.
.
٢- الالوان : طبعا في تفاصيل كثيره للالوان زي الالوان العصار والقوالب والاحبار المائية وحتكلم عنها فبوست منفصل . وهنا اشهر الشركات اللي جربتها وعجبتني🌱
.
.
٣- الباليت او وعاء الالوان : تقدر تشتري الوان جاهزه التعبئة زي ماهو موضح او باليته فاضيه وتعبيها باللون - لاحقا حشرح كيفيه تعبئة وعاء الالوان . وتختلف اشكالها واحجامها بحسب استخداماتها زيي انا احب الالوان الصغيره فالخروج ✏️
.
.
٤- الفرش :
غالبا مايهم نوع الشركة كثير بالنسبه لي . اهم شي شكل الفرشاة مدبب وشعرها ناعم وتحافظ على شكلها في شركات زي @princetonbrush @mjdstudio جودتها ممتازه 🖌 ولكن حتى لو ماكانت عندك اهم شي خدو فرشة شعرها مايطيح ومدببه. وبالنسبه للمقاسات دي اهم شي :،١-٤-٦-٨-١٢ .
.
٥- ادوات الرسم :
ممحاه المعجون : افضلها لانها تعطي تاثير ناعم عند مسح الخطوط وما تتلف الورقة. وكمان تقدر تشكلها بحجم صغير وتمسح المناطق الصغيره والتفاصيل.
لرسم الاسكتش تقدر تستخدم قلم تلوين خشبي مائي او قلم رصاص خفيف حسب اسلوبك 🌷
استخدم المشرط في قص رسوماتي وكمان اذا غلطت فرسمه وابغا اخفف اللون فأقشر جزء بسيط من الورقه .
والملاقط الورقية استخدمه لمن ارسم بالسكتش بوك عشان اثبت الورقه من الانحناء.
.
.
٦- مناديل ورقيه :
مناديل ورقيه لتجفيف الفرشاة وازاله الماء الزائد ، وافضل استخدام المناديل الورقية السميكة . .
.
٧- مياه التلوين :
استخدمها لترطيب الالوان ، تخفيفها وخلطها.
اهم شي جهزو مويه اللون في وعاء زجاجي او بلاستيك وممكن تستخدمو كاستين او اكثر ، حتى طبيعه استخدامكم وحاولو اهم شي 📌 خصص كأس للدرجات الدافئة ( الاحمر ، البني ، البرتقالي .. الخ ) وكأس لدرجات الالوان البارده ( ازرق ، بنفسجي ، اخضر .. الخ ) حتى تتجنب ظهور اللون البني.