كيف أكون مبدع وقت الازمات ؟
من المهم الحفاظ على الصحة النفسية للمبدعين ، حتى مانخسر لياقتنا الابداعيه. وأول خطوة هي فهم المشاعر ومانشعربه في الازمات . وفي هذه التدوينة سآكتب مختصر لخطوات وملاحظات بسيطة يمكنها مساعدتك في تخطي الأزمات :
١- خليك ايجابي : المواقف والظروف السيئة عمرها مح تدوم ، فرغ زعلك وغضبك فيوم بس بعدها اتطمن انه مهما طالت مدة الازمة حتنفرج وتتسهل. عندك خيارين لما الحياة تصعب عليك : تستمر وتكون ايجابي وتذكر نفسك انه فتره وحتعدي وتخرج من الازمه وانت افضل، * وتصير شخص احسن. او تجلد ذاتك وتعيش دور الضحية ومايتغير شي.
٢- جرب الإبداع : *الإبداع لايقتصر على ممارسة الرسم*. اعمل نشاط مختلف عن عاداتك ، جرب طبخة جديدة ، تعلم قرأة كواضيع جديدة زي : كيف اخترعو الاشياء. اكتب ، مارس الفنون التشكيلية والاعمال اليدوية ،. حل كلمات متقاطعه ، شاهد برامج مسابقات ذكاء ، اعمال فنية وطبخ او الطبيعة والمغامرات حتحس بالإلهام صدقني. مهم: ولاتحكم على النتائج فقط فرغ طاقتك.
٣- اتعلم من الآوقات الصعبه : كلنا نمر بأوقات صعبه لكن التعلم منها هو شيء اختياري. الظروف الصعبه تجينا فأوقات كثيرة عشان تعلمنا ، وخسارة يروح كفاحك وصبرك خلالها وماتتعلم منها الدرس. كل شيء سلبي فحياتك يحمل رسالة لك ، افتح قلبك لها واسمعها. وحيجي يوم يعدي علينا موقف مشابه وحنعرف كيف نتصرف ونتعامل مع مشاعرنا لأننا صبرنا فأول تجربة.
٤- اتغير : الشخص الذكي هو اللي يتعلم من المواقف الصعبه ، بعد ماتعرف الازمة وتعيشها حتعرف اسبابها واتعلم تتجنبها في المرات التالية. جرب تدون تجربتك ،تكتب ملاحظات ، تسجل فيديو او صوت عشان ماتنساها.*احنا البشر جمالنا في انتصاراتنا الصغيرة* . واحرص انك ماتكون نفس الشخص قبل الازمة ( مهما كانت صغيره او كبيرة حاول تخليها تغير فيك شيء ايجابي )
٥- اشعر بالامتنان : في الاوقات الصعبه نشعر بآن كل شيء لونه آسود. فعادة الامتنان تعني تذكر مع تقدير ل النعم الصغيرة الموجودة فحاتنا ، بدلا من التركيز على السلبية، حتحسسنا اننا نمتلك الكثير وصعوبه الموقف تصغر فعيننا . جرب تمرين :
فكر بشخص انت ممتن له واكتب عنه كلمات بسيطة وليه انتي ممتن ؟ ابدأ من امك وابوك
قائمة الامتنان لليوم : انا ممتن ل …. لأجل
كتابة صفحات الصباح – دون ماتشعر به وتفاصيل المواقف التي مررت بها في يومك قبل النوم او عند الاستيقاظ.
٦- ركز على الاشياء داخل سيطرتك : اوقات نمر بمواقف خارجة عن ارادتنا ، ومن الخطأ نحاول نتحكم بكل شيء فوقت الازمه لأننا حنحس اننا مقصرين وينتهي بنا الحال في جلد الذات والاحباط. اكتب قائمة فأي شيء تقدر تتحكم فيه وركز عليه مثل : موعد نومك، الاشياء اللي تتابعها، الوقت اللي تقضيه مع اهلك، تثقف نفسك بدل : محاولة لوم الكون على ازمة كورونا ، اسقاط كل الظروف السيئة لغضب الرب ، محاولة انقاذ كل الناس ، السعي لرضا الاخرين. في حياتنا آشياء قد لايمكننا تغييرها ، ولكن يمكننا آن نغير طريقة تفكيرنا فيها.
٧- كن رحيما مع ذاتك : فالاوقات الصعبه انت تحتاج تهتم بنفسك ، اخرج في نزهة ، استنشق هواء الصباح ، اعد لنفسك طبق لذيذ، زين غرفتك بالزهور ، عطر بيتك ومكانك. أي شيء يجعل روحك وجسمك فحالة أفضل. واتذكر انك مو لحالك وانه اكيد في ناس تحس ومرت بهذا الموقف زيك.
٨- اعترف بمشاعرك : لاتتجنب المشاعر زي الحزن والغصب واسمح لنفسك تعيشها ولاتحكم على نفسك . الشيء اللي ماتقدر تحس فيه ماتقدر تعالجه. والنكران للمشاعر يعني انك بتهرب مؤقتا. اعترف بإن، زعلان ، متضايق ، طفشان. وعيشها لفترة واسمحلها تعدي بهدوء. *واوقات الصراع مع المشاعر يكسرنا اكثر من الموقف اللي احنا فيه.
شاهد التدوينة على صورة ثريد في الانستقرام هنا